《車公批李波》
今天，我去了問香港最佳時事評論員車公，究竟失蹤的銅鑼灣書店股東李波命運如何。
結果求得二十四中簽：「生前不作虧心事，只為貪心惹是非。若得貴人相勉力，莫教枉費用心機。」
解簽老人問我有何所求，我說想問一個男人的命運。解簽老人問我與他有甚麼關係，我回答沒有甚麼關係，只是這個人叫李波。
「哦，李波，我有睇報紙。」解簽老人說。「如果睇簽文，佢應該冇生命危險，但冇貴人幫，唔知幾時先放出嚟，睇怕今年佢都要喺上面過年囉。你做傳媒？」
開口中，果真是高人。
「其實都唔使求簽，用common sense就得啦，你都知大陸係點啦。」解簽老人繼續說。「香港已經冇前途，共產黨依家已經成咗勢，係佢地嘅天下，有佢講冇你講。」
「你認為香港已經冇得救？」
「你睇上面班官演講，個中國邏輯，係同我哋香港人完全唔同嘅，佢哋錯都要講成啱。香港已經唔係英國佬管治時咁樣，就算英國佬做事有污糟嘢，但一定唔會好似依家咁離譜！共產黨做事根本就係黑社會方法。」
這時候有女職員拿張紙走過來，問解簽老人吃甚麼。解簽老人沉吟片刻，選了魚柳包。
「你邊度讀書？」解簽老人又問我。
「英國。」
「咁你返嚟做乜？我又老又窮走唔到，但你知識青年有能力走到就應該走。最緊要唔好做錢學森，助紂為虐。去外國住係有種族歧視，可能賺少啲，但至少唔使每日提心吊膽，最多咪食魚柳包！」
「不過好多香港人都覺得香港依家冇問題，照樣飲飲食食，未知會出事。」
「抵撚死！」解簽老人大喝。
「仲有一批人好愛國嘛。」
「愛咩國？邊度搵度食，邊度就係家。」解簽老人淡淡地說。「你哋年青人真係要提高政治意識呀，同埋得閒嚟拜下車公囉。」
文：謝天下
Search